မိုးလေဝသပညာရှင်

ကမ္ဘာ့မိုးလေဝသအဖွဲ့ကြီး (WMO No. 49) ၏ Technical Regulations အရ၊ ဤသူသည် တက္ကသိုလ်ဘွဲ့ရအဆင့်ပညာရေးရှိပြီး၊ Basic Instruction Package for Meteorologists (BIP-M) ၏လိုအပ်ချက်များကို ကျေနပ်စွာ ပြည့်မီစေသောသူတစ်ဦးဖြစ်သည်။ အထက်ဖော်ပြပါ BIP-M တွင်သတ်မှတ်ထားသောဘာသာရပ်များကို သင်ကြားပေးသည့် သင်တန်းကို အောင်မြင်စွာ ပြီးဆုံးအောင်တက်ရောက်ပြီးသူသာလျှင် မိုးလေဝသပညာရှင်တစ်ဦးအဖြစ် အသိအမှတ်ပြုခံရသည်။ ထိုအပြင်၊ NMS တစ်ခုနှင့်သက်ဆိုင်သည်ဖြစ်စေ မဆိုင်သည်ဖြစ်စေ၊ မိုးလေဝသဘာသာရပ်တွင် ပရော်ဖက်ရှင်နယ်အလုပ်လုပ်ကိုင်သူတိုင်းကိုလည်း မိုးလေဝသပညာရှင်ဟုခေါ်သည်။ မီဒီယာများတွင် ရာသီဥတုတင်ပြသော အမျိုးသားအမျိုးသမီးများကို ၎င်းတို့၏ပညာရေးနောက်ခံ (အလွန်ကွဲပြားခြားနားသော) မည်သို့ပင်ရှိစေကာမူ ပုံမှန်အားဖြင့် မိုးလေဝသပညာရှင်များဟု ခေါ်ကြသည်။ တင်ပြသူသည် ဤဘာသာရပ်၌ ခိုင်မာသောအသိပညာကို သက်သေပြနိုင်ပြီး ၎င်း၌ ဆက်လက်လေ့ကျင့်သင်ကြားမှုများ ရရှိနေသောကိစ္စများတွင်သာ ဤပရော်ဖက်ရှင်နယ်ဘွဲ့ကို တရားမျှတသည်။ တက္ကသိုလ်နယ်ပယ်၌ဖြစ်စေ၊ သုတေသနဌာနတစ်ခုခုတွင်ဖြစ်စေ၊ မိုးလေဝသဗေဒကို လေ့လာနေသူတိုင်းကိုလည်း မိုးလေဝသပညာရှင်တစ်ဦးအဖြစ် သတ်မှတ်သည်။