arkumetxo

Hodei txiki zuri eta biribilak, kotoiaren antzekoak, arkume deitu ohi zaie, zeruan haien presentziak arkume-talde bat gogorarazten baitigu. Txikigarria da forma hedatuena. Meteorologia herrikoian, floccus espezieko altokumuluak osatzen dituzten elementu edo unitateei ematen zaien izena da. Askotan, haren agerpenak eguraldi-aldaketa bat aurreratzen du, izan ere, sarritan euria uzten duen sistema frontal baten iritsiera aurreratzen dute («Arkumetxoak zeruan, putzuak lurrean»). Ez dira nahastu behar arkumetxoak (zeruan) axuriekin (itsasoaren azalean), nahiz eta batzuetan izenak trukatzen diren.